نشر في

عند إنشاء موقع إلكتروني (ويب سايت)، دايماً الناس بتحتار في إختيار قالب الووردبريس، ياترى الأفضل يستخدموا قالب ووردبريس مجاني ولا مدفوع؟

هنا، شركة آيكونز هتقوم بمُناقشة مزايا وعيوب كُلاً مِنهُما.

قالب الووردبريس المجاني

المزايا

  • قالب ووردبريس مجاني تماماً، فما الأفضل من الحصول على ووردبريس إحترافي مجاناً؟
  • قوالب الووردبريس المجانية في الموقع الرسمي لـ ووردبريس بتدخل في عمليات مُراجعة وإختبار قبل إدراجها في الموقع،
  • قوالب الووردبريس المجانية بيتم بناءها بواسطة مجموعة مُحترفة من المُطورين هدفهم تقديم قوالب عالية الجودة عشان يتم الموافقة على وضعها في الموقع الرسمي.

العيوب

  • الدعم الفني غير مُتاح بشكل كبير، بمعنى إن المُطورين غير مُلزمين بالرد على إستفساراتك، رغم كده بيقدموا خدمة دعم،
  • مش هتتمكن من الحصول على المزايا الإضافية للووردبريس زي إنشاء الأزرار، الرموز القصيرة، وإنشاء الصفحات المُوجهه "Landing pages"، إلخ،
  • قالب الووردبريس المجاني بيكون شائع الإستخدام بمعنى إنه تصميمه مش هيكون فريد،
  • لا يوجد ضمانات.

قالب الووردبريس المدفوع

المزايا

  • بما إنه مدفوع فبالطبع هيكون بيقدم مزايا وخصائص أكتر على سبيل المثال، الرموز القصيرة، السحب والإفلات "Drag and Drop"، نماذج وقوالب مُختلفة،
  • أمّا بالنسبة لنظام الدعم، فمزودي خدمة قوالب الووردبريس المُحترفة بيقدموا إمكانية الوصول لنظام دعم الوثائق الخاص بهم لإمدادك بالدعم وقت ما تحتاجهم،
  • تصاميم قوالب الووردبريس المدفوعة فريدة.

العيوب

  • قوالب الووردبريس المدفوعة مش بـ تمُر بمرحلة مُراجعة وإختبار، يعني من المُمكن أن بعضهم لا يكونوا على قدر عالي من الإحترافية،
  • المُطورين بيكونوا في حاجة لبيع القوالب علشان كده بيقوموا بإضافة مزايا كتير غير ضرورية ومن المُمكن إنك ماتحتاجش لإستخدامُها أبداً؛ وللأسف بسبب المزايا دي الموقع بيكون بطيء جداً.

إذا كُنت لا تزال في حيرة من أمرك، نعتقد إنك محتاج أولاً تحدد إحتياجاتك ومُتطلباتك. لو كُنت بتقوم ببناء موقع خاص، قالب الووردبريس المجاني هيكون مُناسب ليك. أمّا لو كُنت بتقوم بعمل موقع لشركة، فقالب الووردبريس المدفوع هيناسبك أكتر.