نشر في

في الوقت الحالي بقى شيء ضروري لكُل عمل أو بيزنيس إنه يدخل عالم الديجيتال والتكنولوجيا، يعرض أعماله أونلاين، ويجذب إنتباه العُملاء عن طريق تصميم اللوجو.

لذا، لو كُنت صاحب عمل أو مشروع هتحتاج توظف مُصمم جرافيكي لعمل لوجو يناسب شركتك ومجال عملك.

هنا، ايكونز بتقدم إرشادات هتحتاج تتبعها وقت إختيار اللوجو الخاص بشركتك.

  • أولاً، تأكد من إنك وبالتالي مُصمم الجرافيك الخاص بيك على دراية تامة بشخصية وهوية الشركة. بالتالي هتكون قادر بسهولة إنك تحدد الرسالة اللي عايز توصلها من اللوجو الخاص بيك،
  • الخطوط والألوان زي ما ناقشنا قبل كده يُعتبروا الجوانب الأساسية في تصميم أي لوجو. على سبيل المثال، أثبتت الدراسات إن نوع الخط المُستخدم له تأثير كبير على مدى مصداقية النص بالنسبة للمُستخدمين، أثبتت كمان إن كُل لون له تأثير خاص. مثلاً، الأحمر لون مُفعم بالحيوية والنشاط، الأزرق لون بيبرز الإحترافية والذكاء، البنفسجي بيعكس الإبداع والإبتكار،
  • هتحتاج كمان تلقي نظرة شاملة على شعارات او لوجوهات مُنافسيك، تعرف طريقة تفكيرهم، والطريق اللي بيسلكوه. وتحاول تختار لوجو جديد وفريد في تصميمه،
  • بعد إختيار اللوجو، إسأل صحابك، أهلك، وزملاء عملك عن رأيهم وإن كان فعلاً بيوصل الرسالة اللي بتحاول تعكسها.

بعد الإستقرار على اللوجو جرب تشوفه باللونين الأبيض والأسود لإن بعض التصميمات هتطلب إستخدامه بيهم وهتحتاج تحدد إذا كان مُناسب ولا لأ.