نشر في

زي ما إتكلمنا قبل كده عن الخطوات التي يجب إتباعها لتحديد الجمهور المُستهدف ومدى أهمية وضع خطة إستراتيجية وإزاي بنحقق أهداف الشركة بطريقة صحيحة، إنهاردة هنناقش عُنصر فعال بيأثر على العمل بإيجابية وهى الرسومات التوضيحية (الإنفوجراف). 

أكيد محدش يقدر يتغافل عن إن "المؤثرات الحسية" ليها أثر كبير وإيجابي، وده لإن المُستقبلات الحسية وخصوصاً البصربية بيكون سهل جداً جذبها للعالم الخارجي، عشان كده لو هنتكلم بطريقة عملية، السؤال هنا، ليه الرسومات البيانية مهمة؟

تعرف على أهمية الرسومات البيانية (الإنفوجراف)؟

قبل ما نتكلم عن أهمية الرسومات البيانية، أكيد مهم إننا نتكلم عن أهمية "طريقة" العرض لأن "الطريقة" هي اللي بتميز شركة عن شركة وبتخليها تعلم في ذهن العملاء؛ وأكيد ده مش بيتعارض مع إن عنصر الجودة مُهم. خلونا بس نأكد على فكرة إن "طريقة العرض" هى اللي بتفرق بين الشركات المُنافسة وإزاي بيجذبوا إنتباه العميل، ومن هنا هنتكلم عن أهمية الرسومات البيانية.

  • خلينا متفقين إننا كلنا بيحصلنا حالة من الزهق أو الملل من كتر القراءة عشان كده إستخدام الألوان والمجسمات أو الرسومات بتساعد في جذب الإنتباه ومن هنا نقدر نقول إن الرسومات البيانية (الإنفوجراف) بتساعدك إنك تقدم المعلومة بشكل جذاب أكتر،
  • أما لو بتدور على إزاي تخلي العميل أو القارئ يفتكر المعلومة اللي إنت بتقدمها، يبقى أكيد المؤثرات البصرية هتساعدك وده لإن العين بصفة عامة بتقدر إنها تخزن وتفتكر الألوان والأشكال أحسن من الكلام المكتوب،
  • سهولة الفهم. أكيد كـ صاحب عمل أو مُقدم خدمة، بيكون مهم عندك إن القارئ أو الجمهور المُستهدف إنه يفهم إنت عايز إيه وبتقدم إيه، فخلونا نقول إن معظم الأفراد بينجذبوا وبيفهموا المؤثرات الحسية أسرع وأحسن من المُحتوى المكتوب.

الخُلاصة

أكيد مُهم إنك تستخدم كل الوسائل المُتاحة عشان تطور من شغلك وعملك، فالرسومات البيانية التوضيحية (الإنفوجراف) ليها عامل كبير ودور أساسي المفروض يكون من ضمن أولوياتك وإنت بتعرض خدماتك أو منُنتجاتك على وسائل التواصل الإجتماعي.