نشر في

أكيد الشركات ومؤسسات العمل بتسعى إلى ترك أثر أو علامة مُميزة في أذهان العملاء لتذكيرهم دائماً بالعلامة التجارية وخدمات الشركة. فبطبيعة الحال، يجب أن تكون "العلامة التجارية" شئ مُميز لا يُمكن نسيانه بسهولة حيث يُمكن تحقيق ذلك من خلال طرق بسيطة كجذب الإنتباه (وخاصة العين) وذلك من خلال الإستعانة بالمؤثرات الحسية المُختلفة. لذا، يجب أن تكون حريص وذلك عند تصميم اللوجو الخاص بك لجذب إنتباه العميل وترك إنطباع جيد في الأذهان. فإختيار ألوان اللوجو من الأمور الهامة التي يجب أخذها في عين الإعتبار. فعلى سبيل المثال:

  1. اللون الأزرق: اللون الأزرق من الألوان الشائع إستخدامها في الشركات والمنظمات الحكومية واللي بيدل على الإحترافية، النجاح، السلطة، وكمان بيدي إحساس بالهدوء. فمثلاً زي لوجو سامسونج، IBM، فورد، HP، وغيرها كتير من الشركات اللي إستخدمت اللون الأزرق عشان تعزز فكرة الكفاءة والإتقان،
  2. اللون الأرجواني: اللون الأرجواني هو لون الرقي وبيديك إحساس بالفخامة والتميز عشان كده شركات زي كادبوري، فيديكس، ياهو، كريغزلست، وغيرها كتير بيستخدموا اللون الأرجواني في اللوجو بتاعهم،
  3. اللون الأحمر: أكيد كلنا مُتفقين إن اللون الأحمر بيدي إحساس بالطاقة، القوة، العاطفة، والإثارة واللي كان السبب في إن أغلب العلامات التجارية اللي ليها علاقة بالأكل زي المطاعم أو الكافيهات تستخدم اللون الأحمر في اللوجو بتاعها زي مثلاً ريد بول، كنتاكي، هارديز، كوكا كولا، وغيرها كتير،
  4. اللون الأسود: أما لو بتدور على السلطة أو إيحاء بالتميز والأناقة، يبقى أكيد اللون الأسود هو المُناسب لعلامتك التجارية زي مثلاً شركات زي أديداس، بوما، شانيل، بلاك بيري، وغيرها كتير علامات تجارية معروفة باللون الأسود.

ما سبق ما هو إلا مجرد نبذة بسيطة عن مدلول كل لون واللي بالتأكيد هتساعدك وإنت بتختار ألوان اللوجو الخاصة بيك.