نشر في

تعريف البراندينج:

البراندينج ببساطة هو عمل ترويج لعلامتك التُجارية أو لشعارك، لخدماتك، أو مُنتجاتك، يعني هو محاولة لرسم صورة ثابتة في ذهن العُملاء عنك وعن البيزنيس بتاعك.

أهمية البراندينج:

الفكرة من البراندينج مش بس إنك تقدر تخلي عُملاءك المُستهدفين يختاروا مُنتجاتك أو خدماتك في وقت مُعين. لأ، الفكرة أكبر من كده بكتير وهي إنك تقدر تزرع في ذهنهم إنك المزود الوحيد للخدمة دي أو إنك الوحيد اللي هتقدر توفي إحتياجاتهم وبالتالي هتكون أول شخص يفكروا فيه وقت ما يحتاجوا لخدماتك.

أهداف البراندينج:

  • توصيل رسالتك بوضوح وشفافية،
  • إقناع العميل بمصداقيتك،
  • تحفيز المُستهلك على التعامل معاك،
  • إكتساب ولاء وثقة العميل.

إزاي تعمل براندينج؟

قبل أي حاجة لازم تدرس السوق كويس، تعمل خطة وإستراتيجية، تفهم العُملاء وإحتياجاتهم، وتحدد الجمهور المُستهدف. لازم كمان يكون عندك شعار أو لوجو مُميز وواضح، وأهم حاجة إنك تُنشر الرسالة اللي عايز توصلها في كُل مكان ويكون موظفينك فاهمينها كويس عشان بدورهم يقدروا يوصلوها للعُملاء. مُمكن كمان تبدأ تكتب رسالتك (شعارك) على الزي الرسمي للموظفين، في توقيعك، في الإيميل، وكمان الأوراق اللي بتوصل للعُملاء.

مهما خد منك وقت، البراندينج الناجح لا يعوض بثمن وهتفضل تحصد ثماره لوقت طويل.