نشر في

أكيد كلنا أو أغلبنا مّر بمرحلة إحباط، فشل، أو ملل سواء في حياتنا أو في شغلنا. بس الصح إن الواحد يحاول يتخطى المرحلة دي ويتغلب على الجمود الإبداعي عشان يقدر يكمل ويخلص كل الشغل المطلوب منه على أكمل وجه.

انهاردة، آيكونز هتقولك إزاي تتغلب على الجمود الإبداعي ده وخصوصاً لو كان صميم شغلك هو التسويق للشركات الأخرى؛ واللي بيخليك تكون مُطالب إنك تكون شخص مُبدع دائماً.

  • اخرج من البيئة السلبية المحيطة بك: في خطأ شائع بيقع فيه الكثير من المُسوقين لما بيعانوا من الجمود الإبداعي وهو إنهم بيضغطوا نفسهم وبيفكروا زيادة عن اللزوم في الشغل وميعاد تسليمه. في الحالة دي، الصح إنك تبعد عن أي مصدر ضغط أو إزعاج ليك عشان تقدر تشحن طاقتك وتستعيد قوتك وتفكيرك من جديد. كمان مُهم إنك تبعد عن الأشخاص السلبيين وتقرب من الكيانات الإيجابية منهم فقط عشان تقدر تساعد نفسك وتتغلب على الجمود الإبداعي اللي بتعاني منه،
  • أن تكون بصرياً: مادام إنت مُسوق إلكتروني، يبقى كل حاجة بالنسبالك تُعتبر مصدر إلهام ليك عشان كده ممكن تخرج تعمل شوبنج، تشوف ناس جديدة، تجرب مطعم جديد، أو أي حاجة تانية مُختلفة لإن التفاصيل الصغيرة دي بتساعدك على التجديد وإعادة النشاط واللي بالتأكيد هتخليك تتغلب على الجمود الإبداعي،
  • خلي معاك مُذكرة صغيرة في كل مكان: كتير مننا بيلاقي إن فيه أفكار جديدة جت في دماغنا في أوقات إحنا مش مُستعدين زي واحنا بنأكل، بنجري، أو بنلعب، فـ عشان كده مُهم إن يكون معاك دائماً دفتر صغير عشان تكتب وتدّون فيه الأفكار الجديدة اللي هتيجي في دماغك في أي وقت قبل ما تنساها.

وأخيراً، الخطوات السابقة هتساعدك كـ مُسوق إلكتروني للتغلب على الجمود الإبداعي.