نشر في

التكنولوجيا مُتاحة للجميع. ده كان المفهوم أو المبدأ اللي تم تبنيه من قِبَل الشركة المبتدئة الكورية "دوت" وقت إختراع ساعة برايل الذكية للمكفوفين واللي بتساعد ضُعاف البصر أو المكفوفين على إستعمال التكنولوجيا والإستمتاع بيها.

ساعة دوت الذكية بتمكِن المكفوفين من مُمارسة أبسط الحاجات زي المُراسلة، أو إنهم يعرفوا مين بيتصل بيهم قبل ما يردوا على الإتصال.

في 285.000.000 شخص كفيف في العالم بيعانوا من التعامل مع التكنولوجيا اللي بنستخدمها إحنا بسهولة زي سهولة إننا ناخد قيلولة.

علشان كده، ساعة دوت الذكية – اللي بتعتمد على لغة برايل – أصبحت موجودة.

مزايا ساعة دوت الذكية:

  • بتتصل بالهاتف الذكي عن طريق البلوتوث، بعد كده بتستقبل أي نص وتقوم بإخراجه أو إظهارة باستخدام طريقة برايل، فيتمكن المُستخدم من قراءة النص في الظلام،
  • كمان في وسائل إدخال للمُستخدم،
  • البطارية بتستمر لمُدة 7 أيام،
  • التصميم بسيط وحديث،
  • مفتوحة المصدر، يعني تقدر تبدأ دلوقتي في تطوير تطبيقات تساعد بيها المكفوفين يعيشوا حياتهم بشكل أسهل،
  • سعرها في متناول اليد، 290$ فقط.

يقدر المكفوفون دلوقتي يعرفوا مين بيتصل بيهم قبل ما يردوا على المُكالمة، يقدروا يقرأوا الرسايل النصية، يقدروا كمان يدوروا على مكان ما في خريطة جوجل، وغيرها كتير.

ساعة دوت الذكية للمكفوفين تساعد على تغيير الحياة للأفضل.