نشر في

الأربعاء الموافق الـ 27 من شهر سبتمبر عام 2017 إحتفلت "جوجل" أكبر مُحرك بحث في العالم بعيد ميلادها الـ 19 عن طريق تقديم مفاجأة للمُستخدمين وهي عُبارة عن "Spinner" أو دوارة بتضغط عليها وبيتم الوقوف على واحدة من الـ 19 لعبة الموجودة فيها بشكل عشوائي وبتدخل تلعبها.

علشان تجرب اللعبة اعمل سيرش على:Google Birthday Surprise Spinner

من المعروف إن جوجل كُل سنة بتقدم مُفاجأة في عيد ميلادها -اللي هو مش معروف بالمُناسبة- وناس كتير مش مُتأكدة من اليوم الحقيقي لعيد ميلاد جوجل وده لإن جوجل نفسها إحتفلت بيه في 4 أيام مُختلفة على مدار السنين.

بداية من 2006 جوجل بتحتفل بعيد ميلادها في الـ 27 من سبتمبر لكن قبل كده بسنة إحتفلت بيه يوم 26 سبتمبر وفي 2004 إحتفلت بيه يوم 7 سبتمبر وقبلها بسنة إحتفلت بيه يوم 8 سبتمبر ويمكن يكون السبب لثبات يوم 27 لمُدة 11 سنة هو إن أول إحتفال لجوجل بعيد ميلادها كان عن طريق الرسومات الجديدة اللي بتظهر على مُحرك البحث كان يوم 27 سبتمبر سنة 2002 وهو عيد ميلاد جوجل الرابع.

كمان جوجل كان من المُقرر يتم تسميتها Googol وهو واحد جنبه مائة صفر كـ دليل على كمية المعلومات والصفحات جوه المُحرك.

إحتفالات جوجل بعيد ميلادها على مر السنين: