نشر في

لو إنت مُصمم جرافيكي، يبقى أكيد بتتعامل مع أنواع عملاء كتير اللي كل واحد فيهم ليه شخصيته وطريقة تفكيره اللي بالتالي بتنعكس على طريقة العمل معاك. وأكيد إنت كمُصمم بتكون مش عارف تتعامل إزاي مع العميل، عشان كده أيكونز هتقولك تتعامل إزاي مع أنواع العملاء المُختلفة.

  • العميل صاحب الطلبات الخرافية: وده بيكون فاكر إنك كمُصمم جرافيكي يبقى هتعرف تعمل المستحيل لدرجة إن طلباته بتكون كتير ومش منطقية سواء في إختياره للألوان، للتعديلات الكتيرة جداً في أخر لحظة، وساعات بتوصل لدرجة إنهم بيخلوا المُصمم يعيد التصميم أكتر من مرة. العميل ده بيكون خايف من المخاطرة وبيكون حريص إنه مايخسرش عشان كده بيختار أكتر التصميمات التقليدية. فإنت كمُصمم لازم تفهم العميل من الأول أهمية التجديد وتجربة أفكار جديدة مُبتكرة، وكمان مُهم إنك تتفق معاه من الأول على عدد التعديلات المسموح بيها عشان مايبقاش فيه إستغلال ليك، وأخيراً توضح للعميل إن اختيار الألوان بيكون على أساس اللي بيتناسب مع ألوان اللوجو والهوية بتاعة شركتك، فممكن تعرض عليه مجموعة من الألوان اللي تناسقها مع بعض بيكون حلو عشان تساعده وتوعيه،
  • العميل صاحب الطلبات المستمرة: العميل ده بيكون فاكر إنك مادام اشتغلت معاه، فإنت بتاعه 24 ساعة ومش مهم أيام الأجازات، أو مكالمات في أوقات متأخرة، ده غير طبعاً كم التعديلات والطلبات اللي مابتخلصش. فعشان تعرف تتعامل مع العميل ده، مُهم إنك تتناقش معاه تفهمه مواعيد عملك وعدد مرات التعديلات المسموح بيها،
  • العميل اللي مش بيلتزم بآداب العمل، وده بيفاجئك بمواعيد تسليم الشغل من غير ميعاد مُسبق أو ممكن كمان يتأخر عليك في دفع مستحقاتك، عشان كده لازم من الأول تتفق مع العميل عل كل التفاصيل دي قبل ما تبدء الشغل.

احكيلنا مواقفك كمُصمم جرافيكي مع العملاء وإزاي بتتعامل معاهم؟