نشر في

مؤخراً، قنوات وسائل التواصل الإجتماعي (فيسبوك، تويتر، إنستاجرام، سناب شات، لينكد ان، إلخ) بقى ليها تأثير أقوى على الجمهور من وسائل التسويق التقليدية (التليفزيون، الراديو، إلخ).

الناس حالياً بيميلوا للثقة في مشاهير السوشيال ميديا والأشخاص المؤثرين على قنوات التواصل الإجتماعي وتصديقهم أكتر من مشاهير التليفزيون الغير معروفين بشكل شخصي أكتر بالنسبالهم.

وده كان السبب وراء ظهور كتير من الشخصيات العامة والمؤثرين على السوشيال في السنوات الأخيرة.

التسويق من خلال مؤثرين السوشيال ميديا أصبح أداة جديدة للتسويق، فبيتم التعاقد مع واحد منهم لتصوير فيديو قصير أو عرض صور لنفسه وهو بيستخدم خدماتك أو مُنتجاتك مع ذكر إسم البراند بتاعك طبعاً.

بعض المؤثرين على السوشيال ميديا بيستخدموا شهرتهم لكسب المال يعني بتكون دي وظيفتهم الوحيدة إنهم يستخدموا مُنتجات أو خدمات ببلاش وبيكسبوا مبلغ من المال قصاد تجربتهم للمُنتج أو الخدمة.

شيء عظيم، مش كده؟