نشر في

في البداية يُمكن تعريف نماذج الموك أب على إنها نماذج تصميمية يستخدمها المُصمم لعرض مشاريعه وتصاميمه بشكل أفضل واللي مُمكن يكون عُبارة عن تصميم مجلة، لوحات إعلانية، أجهزة إلكترونية، إلخ.

أهمية إستخدام نماذج الموك أب في عرض التصاميم:

إحنا دايماً بنقول إن الفكرة مش في التصميم اللي بتعرضه؛ لكن في الطريقة اللي بيتم عرضه بيها.

كمان، لازم دايماً تحُط في إعتبارك إن العميل مبيكونش عنده نفس طريقة النظر للأمور اللي إنت - كمُصمم – بتشوفها بيها، علشان كده عرضك لشُغلك على نماذج موك أب أو إدراج تصاميم في سياق الكلام هيساعد العميل يفهم النتائج النهائية للتصميم بشكل أوضح.

ده غير إن نماذج الموك أب بتساعد على جعل تصميمك يظهر بشكل أفضل وأذكى، حتى التصاميم اللي مش قوية ومش جذابة بيكون شكلها أحلى على الموك أب.

مما سبق نستنتج أن، عرض المشاريع المُعتمدة على نماذج الموك أب بتُثير الإعجاب أكتر من عرض المشاريع بالإعتماد على النماذج المُسطّحة.